"أنا مبسوط جداا بوجود مكان جميل زي دا، طريقة التفكير مختلفة ومميزة سواء في طرق التعليم أو التعامل مع الأولاد أو أخلاق م.وليد وم.محمود اللي بتطمنك على ولادك معاهم، وحقيقي دي من أهم مميزات tekatech عجبني قوي تواصلهم مع أولياء الأمور وال educational session اللي اتعملت في الفرع الجديد، لأن فعلاً الذكاء الاصطناعي جديد على معظم أولياء الأمور ومهم يبقوا aware باللي بيحصل عشان يقدروا يتابعوا ولادهم"

"القيمة اللي تيكاتك بتقدمها عظيمة جدا فعلا، لما تشوف تطور الأطفال يوم عن يوم وحماسهم أنهم يتعلموا حاجة جديدة كل يوم هتتأكد فعلا إن تيكاتك بيبذلوا مجهود جبار عشان يوصلوا لده لأن التعامل مع الأطفال وانك تعلمهم حاجة وف نفس الوقت يبقوا حابين أنهم يكملوا وميبقوش عاوزين يروحوا دي معادلة مش سهل أبدا اي حد يقدر يعملها ^^. تيكاتك مكان جميل فخورة جدا جدا بيهم وبكل نجاح بيوصلوله حقيقي♥️♥️"

بعد تجربتي في "Tekatech"، يسعدني أن أقدم لك ريفيو شامل عن هذا المكان الذي يجمع بين المعاملة الجيدة والتعليم الجيد للأطفال. ‏"Tekatech" هو بالتأكيد وجهة تعليمية تتميز بالاهتمام الكبير بالأطفال وتطويرهم. بدءًا من المعاملة، يبدو أن الفريق هناك يتفهم بشكل عميق احتياجات وتطلعات الأطفال. لاحظت أن فريق العمل ملتزمون بتقديم تجربة إيجابية للصغار من خلال تفاعلهم اللطيف والصداقي. يعملون على توفير بيئة تشعر الأطفال بالأمان والراحة. أما بالنسبة للتعليم، فقد لاحظت جودة مذهلة في طرح المحتوى وتقديمه. يتميز "Tekatech" بتقديم مادة تعليمية مبتكرة تجمع بين المتعة والتفاعل. تُستخدم أساليب تعليمية متعددة تشجع على تفكير الأطفال واستكشافهم. هذا يساهم في تطوير مهاراتهم بشكل شامل. أثناء تواجدي هناك، شد انتباهي التركيز الذي يوضع على تطوير السلوكيات الإيجابية والتفاعل الاجتماعي. تقدم الورش والأنشطة العملية فرصًا ممتازة للأطفال لتطبيق مهاراتهم وتوسيع مداركهم الاجتماعية. علاوةً على ذلك، يعكس الاهتمام بمتابعة والتواصل مع ولي الأمر التفاني الكامل لدى "Tekatech". من خلال تقديم التقارير والتحديثات الدورية، يمكن لأولياء الأمور متابعة تقدم أطفالهم ومشاركة رؤيتهم. باختصار، "Tekatech" هو مكان يمكن الاعتماد عليه لتوفير تجربة تعليمية ممتازة ومعاملة رائعة للأطفال. إذا كنت تبحث عن بيئة تعليمية محفزة تجمع بين التعليم والرعاية الشخصية، فإنني بكل تأكيد أوصي بمنح "Tekatech" فرصة لتطوير طفلك ومن قلبي انا احد اولياء الامور اتمني ل ‏”Tekatech ” المزيد من التقدم والازدهار ولفريق عملها المحترم التوفيق دائما . جعل الله علمكم في ميزان حسناتكم وعلي رأسهم البشمهندس محمود منير و البشمهندس وليد الحنبلي ❤️❤️❤️❤️❤️

اكتر حاجه بحبها فى تيكاتك صراحه كل حاجه فى تيكا تك تتحب مكان قديم وجديد مدربين تعامل بجد ثمه فى الاحترام❤️ التغيرالى تيكاتك سببته! هتكلم عن تجربتي الشخصيه مع ادم لانه طفل زارع قوقعه فكان التعامل معه صعب تيكاتك فرقت مع ادم كتير بقى طفل اجتماعى جدا قادر يعبر عن نفسه بيحب المكان بطريقه مش طبيعيه مستر محمود &مستر وليد &مس ندا & اتمنى من ربنا ان ادم يبقى فى نفس مكانه كل مدرب وفى يوم من الايام يبقى مدرب فى نفس المكان❤️ رأى انا فى جودة التعليم! شوفت إمكان كتير على النت بجد تيكاتك شرح ممتاز ومدريبين فوق الممتازين❤️ بالتوفيق دائما لى تيكاتك ودايما يارب فى نجاح

السلام عليكم احب اشكر كل أسرة تيكاتك ع مجهودهم الرائع والمتميز مع ابني لاني بصراحة قبل المادة العلمية وكورسات البرمجة اللي فعلا عملت من ابني مهندس شاطر ع صغير ف عمر ٨ سنين و فوجئت انه بيناقش ابن خالته اللي فسنة تالتة هندسة ميكاترونكس و عن فهم ودراسة بجد غير كل دا الولد بقى اجتماعي جدا كون صداقات لأولاد من سنه ونفس ميوله والاهم الأهم اللي بإذن الله هاستمر بسببه الالتزام الأخلاقي والديني الولد ماشاء الله كل سيشن بيجيني مصلي صلاة العصر مع أصحابه بيئة جميلة وصالحة لتربية مراهق قبل تعليمه دا غير طبعا عنصر الأمان والحرص ع ابني لدرجة يشهد ربي ان دا المكان الوحيد اللي ابني بيروحه من غيري شابووووه أسرة تيكاتك 👍👍👍👏👏👏👏👏👏👏👏 دمتم متميزين ورائعين

بسم الله الرحمن الرحيم الجوانب المفضلة 1-حضراتكم التزام فى المواعيد 2-الاهتمام بشخصية الطفل 3-الاهتمام بالجوانب الإيجابية بالطفل 4-التغلب على الجوانب السلبية في بعض الاحيان للطفل 5-المتابعه الدائمة 6-الاهتمام بالجوانب الضعيفة ومعالجتها للوصل لأفضل النتائج 7-التغذية الراجعة feedback من أهم المميزات الموجودة في تيكاتك 8-الوصول مع الطفل لأفضل درجة ——————————————— (التغيير عند الأطفال) 1-حضراتكم قدرتم توصولوا ازاى الطفل يحب المكان قبل العلم 2-الطفل ينتظر الميعاد او اليوم الخاص به بشغف وحب 3-حضراتكم زرعتم فى الطفل حب التعاون مع الآخرين 4-التعلق بالمدرسين والحب المتبادل بينهم وبين الأطفال دى من اكتر الحاجات المميزه فى تيكاتك 5-بجد انتم حاجه كويسة جدًا وربنا يجزيكم عنهم كل خير جوده التعليم حضراتكم ممتازين في المناهج التعليمية اللى بيدرسوها ومختاره بعناية فائقة 🌹 اما المدربين فهم شهادتنا فيهم مجروحه لأنهم ناس محترمة وخلوقه وممتازين في الاخلاق قبل العلم وهم أهل هذه الثقه الكبيرة جزاكم الله خير الجزاء 🌹🌹🌹❤️

بنحب في تيكاتيك مكان هادئ محترم .تحس انك في بيتك .ومطمن علي ابنك التغير للي حصل للاطفال هو حبهم للمكان وزياده الاجتماعيات عندهم . بيساعدوا الطفل علي Brain storming و اكتشاف ميولهم التعليميه بالنسبه للقائمين بااعمل هما ليسوا ممارسين فقط بقدر ماهما متمكنين .ناس فعلا متعمله ومتمكنه وباين علي طريقه تعليمهم وشرحهم المعلومه . كذلك كل المساعدين في المكان بالنسبه للمنهج اعتقد انه ماشي نوعا ما ما عقليه وسن الطفل

المكان جميل والمدربين مبدعين بيحبوا الاولاد ويساعدوهم وبيتعاملوا معاهم كأنهم اخواتهم وده مخلي الولاد عايزين ينجزوا وفرحانين جدا في اليوم اللي بيبقي عندهم فيه كورس. الاولاد طموحاتهم زادت بدأو يفكروا في الاولويات وابني عنده adhd بحس انه متقبل المكان ومتأقلم فيه بسرعه جدا ودي حاجه صعب تحصل بسهوله في اي مكان. انا شايفه المناهج قويه مقارنه باماكن تانيه انا شوفتها لكن الفكره في المدربين في طريقه احتواءهم وتعاملهم مع المتدربين وده مخلي الاولاد دايما متطلعين انهم يخلصوا ويكملوا في اللي بعده

من اكتر الحاجات اللي بنحبها ف تكاتك اهتمامهم بانس واستقابلهم وترحيبهم بيه ودا حبب انس ف المكان وحسسه انه مش غريب من التغيرات الملحوظه ف انس انه في ثقه ف نفسه حاسس انه مميز شويا دا الوقت الوحيد اللي بيستناه ومتحمس ليه هو الوقت اللي هيروح فيه تكاتك ف الانجلش بياخد كل مره حاجه مختلفه وجديده بيخرج بكلمات جديده طريقة النطق في تحسن ومس ندي بتتعب معاهم جدا وبتبذل مجهود كبير جزاها الله خير والريبوتكس كل مره فكره جديده وبيستفاد منها وبيتعلم حاجات جديده ومن تعليقاته انه مش بيحس بالوقت نهائي والوقت بيعدي بسرعه علشان هو بيبقي مستمتع وهو بيتعلم

اكتر حاجه بحبها فى تيكاتيك هى خدمة العملاء اما عن الجد فأسلوب تيكاتيك واعى بنفسية الاولاد بيحبوا ايه وماهرين فى ايه وبيراعوا جدا الفروق الفرديه بين الاطفال وبشتغلوا على مهارات كل طفل ويعززوها ضيف كمان حسن المعامله للاولاد والماميز كمان ودى اهم نقطه 😉 وبالنسبه لأبنى فهو كان بس بيحب يفك الاشياء ومش دايما يركبها 😂لكن تيكاتيك حببته فى التركيب كمان و فى البرمجه وده مكسب كبير كان من اهدافى وانا بشاركله معاهم 🌱، دا غير ان تيكاتك بيعلموه يعمل ويتفاعل مع مجموعه ودا مش كان بيحبه قبل كده اما عن المدربين فاللهم بارك يعنى يتمتعوا بحسن الخلق وضمير عالى فى شغلهم مع الاولاد فى الشرح والتبسيط للمناهج اللى بياخدوها وابنى بيكون خارج فاهم ومطبق وفاكر حتى لموعد السيشن اللى جاى ومهندسه ندى متفاهمه مع الاولاد جدا ومتميزه جدا ربنا يبارك لها شكرا تيكاتيك ✨💗

تيكاتك من أفضل الأماكن اللي شاركت لـ هاجر فيها، بقالنا كدا أكتر من سنة في تيكاتك الحمد لله. أكتر حاجة بنحباها في تيكاتك هي التعامل المريح اللي بنشوفه فيها، فكرة أننا حاسين أننا أصحاب مكان حرفيًا .. أننا أهل تيكاتك مش مجرد حد قدم وبيتدرب معاهم. 🥰 على المستوى الشخصي تيكاتك كانت سبب كبير أن شخصية هاجر تتغير للأفضل، لاحظت أنها بقيت متقبلة أنها تتكلم قدام الناس وتشرح حاجات، ونسبة تركيزها بقيت أعلى كتير من قبل كدا بشكل ملحوظ الحمد لله، ولاحظت أنها بقيت بتتعامل مع الأجهزة وهي فاهمة هي بتعمل إيه مش مجرد تجربتها. وبردو الإنجلش كانت بتخاف منه، ودالواقتي الحمد لله بقيت بتحبه وبتحب تسمع حاجات بالإنجلش على عكس الأول. التعليم جوه تيكاتك لطيف، والمدربين ما شاء الله عليهم عندهم قدرة عجيبة يتعاملوا مع الأطفال ويستوعبوهم بطريقة جميلة، وطريقة تقديمهم للمعلومات في المحاضرات واستخدام المسابقات والتيمات كان مفيد وساعد الأطفال على التركيز وزاد حماسهم للحضور أكتر. المناهج مناسبة لسنهم وما شاء الله المدربين بيهتموا أن كل معلومة توصل لكل طالب وبيتأكدوا أنها تكون وصلته بشكل صحيح.

المكان كله مريح ومبهج من اول ما ندخل من الباب مش بس للاطفال ولكن كمان لاولياء الامور فكرة ال mind games المتاحه ان كل الاطفال تلعب بيها فكرة ممتعة ومفيده في نفس الوقت الاطفال استفادوا كتير ثقة بالنفس واتعلموا العمل الجماعي واتعلموا يبقى عندهم تارجت يشتغلوا عليه لحد ما يوصلوا للنتيجة الstaff سواء ادارة او مدرسين قمة في الاحترام والذوق بيعاملوا الاطفال بحب واخلاص والمناهج مختلفه وممتعة للاطفال ومتناسبة مع سنهم وقدراتهم الذهنيه

تيكاتك من أحسن الأماكن اللي الواحد دخل ولاده فيها كورسات كل حاجة بتتعمل بحب.. التعامل من الإدارة او المهندسين مع الولاد بيهتموا بكل التفاصيل بكل إخلاص فعلا سواء فى المقر القديم أو الجديد رغم ان فترة السيشن طويلة بس الولاد بيحبوا جدا يروحوا الحمد لله وده مش من الحاجات السهلة فى اى مكان تيكاتيك علم الولاد يتعاونوا سوا وساعدهم يكونوا صداقات مع اشخاص مختلفين المنهج والنظام حلو جدا.. من أول mind games اللي بيبتدوا بيها او التفاصيل والترتيب فى كل مرة من الاماكن القليلة اللي الواحد بينصح بيها وهو متطمن انهم هيشرفوه قصاد اى حد❤️❤️

السلام عليكم .. انا بجد مهما أوصف حبي لتيكاتك وحب الأولاد ليه وتعلقهم بيه مش هقدر أوصفه حقيقي ❤️.. المكان راقي جدا جدا ومنظم ونضيف وروحه حلوة اوي وجذاب لأي حد .. تعامل المدربين فوق الرااائع الاولاد بيحبوهم فرد فرد فعلا .. المدربين راقيين وشيك ف التعامل وبينزلوا لمستوى دماغ الطالب عندهم بطريقة حبوبة جدا لحاد مايوصلولهم المعلومة .. طريقة الشرح جذابة اوي لاي طفل والمعلومة بتوصل بشكل انسيابي جميل جدا للطالب .. كفاية انهم اتعلموا المشاركة سوا واحترام رأي الاخر والعمل الجماعي من اكتر الحاجات اللي بسطتني اوي 🌹🌹 الاولاد مش بيبقوا عاوزين السيشن تخلص ولايروحوا من المكان ❤️.. باجي أخدهم بالعافية والله من حبهم للمكان والمدربين وكل القائمين ع العمل هناك .. انا شخصيا بحبكم جدا كلكم حقييقي 🙈 واكتر اتنين اتعاملت معاهم المهندس محمود والمهندسة ندا ع المستوي الشخصي من ايام المكان القديم اكتر شخصين محترمين ونضيفين اوي و راقييين اوي اوي ف التعامل بجد 😍 ربنا يزيدكم من فضله وبالتوفيق دايما .. بتمنالكم من كل قلبي كل الخير ويبلغكم أعلي المراتب يارب العالمين 🥰🥰🥰

احلى حاجة بجد الراحة النفسية فى المكان اكن قاعد فى بيتك الاولاد عندى عمرهم ما استنوا معاد ينزلوا فية زى معاد الكورس وطبعا فى تغيير كبير فى شخصيتهم بالنسبة لبنوتى مكنتش بتتكلم غير انجليزى اندمجت اكتر وبقت تتكلم عربي اكتر وبالنسبة لابنى كون اصدقاء كتير طبعا حرصين جدا على ايصال المعلومة لكن سن منهم بتطريقة لذيذة جدا من غير زهق ولا ملل وبالنسبة للمدربين بشكر جدا باشمندس محمود لانة اكتر واحد قدر يتفاهم مع الين وهى بتحبة جدا وبشكر باشمهندسة ندى وطبعا باشمندس وليد واكيد مستمرين معاكم❤️

اكتر حاجه بجد بحبها في تيكاتك ان المكان بحس انه بيتي التاني بجد الستاف كله بلا مبالغه زوق ومحترم جدا جدا ، يزيد اتعلم روح المشاركه مع اصحابه والصبر والتنظيم وطبعا شهادتي مجروحه في المدربين والشرح وطريقه توصيل المعلومه للاولاد بجد حاجه ممتازه جدا جدا

أكتر حاجة بنحبها في تيكاتيك وفر لأولادنا ميزة التعلم من سن صغير علوم التكنولوجيا الحديثة و ده هيوفر عليهم مشوار كبير ف مستقبلهم بالإضافة للمتعة ف أساليب التدريب بشكل يناسب شخصياتهم. تيكاتيك غيرت ميولهم الفكرية اختلفت طبعا بقا عندهم شغف يتعلموا اكتر و بقوا بيتكلموا بشكل سابق سنهم لأنه أضاف نضج لطريقة تفكيرهم. انا من اوائل المشتركين في الأكاديمية الحمد لله و مستمرة معاهم لأنهم ف تطور مستمر و بيختاروا مدربين على أعلى مستوى و ده بيرجع ع ابنى بفائدة اكبر فى كل منهج جديد بيتعلمه و غالبا بتكون مناهج مميزة تيكاتك اول ناس بتقدمها فى المنصورة و شرحهم بالمجسمات و التنفيذ العملى ميزة كبيرة جدا للطفل أنه المعلومة تثبت عنده بشكل كبير

تيكاتيك - بدأت المغامرة بملاحظتي لحب عبدالله الشديد للتكنولوجيا والكمبيوترات والتليفونات والبرمجة والجيمز والجرافيكس، وكأي أب شغوب بإن ابنه يوجه طاقته في شئ مفيد ومُثمر بدأت أفكر وأبحث عن مكان أكاديمي موثوق يحط رجل ابني علي أول الطريق الصحيح لتوجيه طاقته وحبه وشغفه للتكنولوجيا .. وبالفعل وصلت لتيكاتيك وحجزنا أول مقابلة وقابلت المهندس الخلوق القدوة/ محمود منير، وبعد حضور المقابلة مع بشمهندس محمود والشباب والأطفال أبهرني قدرته علي التواصل واستجابة عبد الله معاه ومن هنا قلت في قريرة نفسي (ده بيت عبدالله الجديد) 😍 .. ومن وقتها ومن أكتر من سنة ونص وده فعلا بيت عبدالله التاني اللي بحس إنه متحمس وشغوف وهو نازل يحضر الكورسات والمحاضرات في تيكاتيك .. بدأت ألاحظ أنه بدأ ينظم أفكاره ويرتب أولوياته بدأت أحس فعلا إنهم غرسوا فيه بذرة مهندس المستقبل إن شاء الله.

المكان هناك منظم ومريح للنفس بألوانه وتجهيزاته وكمان الناس هناك بيستقبلوك زى أهلك بكل حفاوة وترحاب. ناس أمينة، بقدر اسيب ابنى عندهم وانا مطمنة. المكان بيتعامل مع الأطفال بكل اهتمام كأنهم يخصوه، والمدرب بيحاول يعرف كل الجوانب النفسية والخلفية الاجتماعية للطفل عشان يعرف يتعامل معاه ازاى، فيجذبه للمكان، ويخليه يحب إللى بيتعلمه ويحب يكمله بدون ملل. باختصار تيكاتك بتشاركنا فى تربيتهم وتعليمهم. واخص بالذكر الباشمهندس محمود وباشمهندس وليد واحب اشكرهم على مجهودهم مع يوسف ابنى واستيعابهم له واهتمامهم. وعمرهم ما اتأخرو بخدمة او نصيحة. جزاهم الله عنا خير الجزاء... ما شاء الله ربنا يبارك ناس محترمين على المستوى الخلقى وشاطرين جدا فى شغلهم مثقفين ودايما بيطورو من نفسهم ومن المناهج. على تواصل دائم مع أولياء الأمور وبيرحبو بأى اقتراحات تكون فى صالح العملية التعليمية إللى الطفل حجر الاساس فيها. اهتمامهم بيوصل انهم بيخططو لمستقبل الطفل مع ولى الأمر مش مجرد كورس ويعدى. ودايما بيوصلو لنا اهمية الكورسات الموجودة عن طريق لقاءات اونلاين واوفلاين. تيكاتك منظومة تعليمية متميزة وإن شاء الله من أفضل لأفضل بتمنى التوفيق فيها للجميع.

الاول عشان اوضح التغيير انا مكنتش مقتنعة ان في المنصورة يبقي فيه مكان قوي لولادي التلاتة يدرسوا فيه حاجة مهمة زي البرمجة و فروعها و لكن مع اصرار والدهم قررت اجرب و جوايا عايزة اثبت ان المكان عادي و لكن اول حاجة لفتت نظري هدوء المكان و المدربين و ثقتهم في نفسهم و نظامهم في افكارهم و عرضها عليا في ردودهم علي اسئلتي و دي اول حاجة طمنتني لان ده عموما بيدل علي وعيهم بكل خطوة بياخدوها ، و التزامهم الشخصي و اخلاصهم في العمل فوق كل ده حب ولادي للمكان و ارتباطهم بيه مش بس بالمدربين ده بكل العاملين فيه و ان بعض المدربين قدروا يبقوا قدوة للاولاد في حسن التصرف و رد الفعل و طبعا طريقة احتواء المواقف وسرعة حلها و التغيير لما هو اصلح و انسب للاولاد ٢-التغيير اللي حصل مع ولادي ان كلهم تركيزهم زاد و اهتماماتهم اختلفت بقت عملية اكتر ده غير بعض الصفات اللي اتحسنت زي النظام و الالتزام و المشاركة و المرونة في التعامل و قدروا بشكل غير مباشر يزرعوا ان التزامك الديني مهم زي التزامك في دراستك ٣-رأيي في الجودة انها كانت فوق توقعاتي يعني اولادي بمختلف مستوياتهم بيخرجوا مستوعبين كل كلمة و فاكرينها كويس و بيشرحوا لي كمان و قادرين يربطوا بين المحاضرات حتي لو مقدرتش اراجع معاهم و طبعا ده معناه قوة المدرب و قدرته علي توصيل المعلومة بشكل مميز لاطفال لا تتخطي ال ٩ سنوات لدرجة انهم مينسوش لا و كمان يسعوا يعرفوا اكتر و ده صعب جدا خصوصا للسن ده انك تخلق جواه سعي للمعلومة و تذكرها حاولت اختصر علي اد ما اقدر و اخيرا شكرا تيكاتك لكل القائمين عليه و العاملين فيه علي كل تغيير بتقوموا بيه اثر في ولادي و فينا احنا كمان كاولياء امور و دايما في نجاح لانكم تستاهلوه